![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Të tjera detaje kanë dalë lidhur me shtetasin grek Ioanis Dragounis, me profesion inxhinier ndërtimi, i cili u ndalua në Rinas me një pajisje të dyshimtë përgjimi.
Ai ka hyrë në Shqipëri 24 herë gjatë dy viteve të fundit.
Dosja është referuar në prokurori dje pasdite me akuzën e “keqpërdorimit të pajisjeve”, neni Neni 293/ç i K.Penal, pasi nuk është e qartë ende nëse pajisja bën përgjime
Shtetasi grek ka thënë se ka hyrë në vendin tonë më 5 maj, është vendosur në një hotel atë natë dhe më pas deri të dielën paradite ka punuar pranë një kompanie për verifikimin e fuqisë, cilësisë së sinjalit dhe ndërhyrjeve në rrjet në antenat e një kompanie celulare.
Ioanis Dragounis ka treguar kontratën e punës me këtë kompani dhe pagesën përkatëse që ka marrë.
Ai ka thënë se pajisja që i është kapur kushton 26 mijë dollarë dhe nuk bën përgjime, duke ofruar edhe disa të dhëna për pajisjen e një licencë që ai zotëron për zyrën që ka në Qipro.
Prokuroria ka vendosur që të kryejë një kqyrje e ekspertim të pajisjes se bllokuar në dalje të Rinasit. Derisa kjo ekspertizë të mbarojë shtetasit grek do ti mbahet pasaporta e cila i është bllokuar fillimisht nga policia.
Njoftimi i Policisë
Më datë 07.05.2017, u referuan materialet në Prokurorinë e Rrethit Gjyqësor Tiranë, për shtetasin I.D, vjeç 52, banues në Greqi, pasi në P.K.K Rinas, ju gjet e bllokua me cilësinë e provës materiale një pajisje e dyshuar për përgjim. Nenet 289/ç e 178 të Kodit Penal.
Bllokimi i pajisjes përgjuese
Një tjetër objekt i dyshimtë përgjimi është bllokuar në aeroportin e Rinasit nga autoritetet shqiptare, ndërsa për këtë është ndalur dhe një shtetas grek. Nga sa mësohet, ky i fundit po dilte nga Shqipëria dhe kishte me vete një objekt të dyshimtë, që i ngjason një pajisje përgjimi, e njëjtë me atë që iu gjet shtetasit izraelit javë më parë.
Nga sa bëhet e ditur, shtetasi grek Irakli Dragounis është shoqëruar në Policinë e Tiranës dhe po merret në pyetje, ndërkohë pajisja do t’i nënshtrohet ekspertizës.
Ashtu si edhe izraelitit Frig, autoritetet i kanë bllokuar pasaportën shtetasit grek dhe do të qëndrojë në Shqipëri deri sa të zbardhet kjo ngjarje.
Precedenti me Yoram Frig
Yoram Frig quhet shtetasi izraelit që u kap me një pajisje përgjimi në aeroportin e Rinasit. Gjatë kontrolleve rutine punonjësit e sigurisë në aeroportin e Rinasit, kanë hasur një person me kombësi të huaj i cili lëvizte me një valixhe të zezë, e cila krijoi dyshime.
Burime nga policia treguan asokohe se kur u pyet çfarë kishte në çantën që mbante me vete, personi i huaj deklaroi se transportonte një pajisje përgjuese. Burri, rreth të 50-tave i tha punonjësve të sigurisë se ishte një qytetar izraelit.
Fillimisht punonjësit e sigurisë kanë mbetur të shokuar, por më pas i kanë kërkuar të veçohet nga udhëtarët e tjerë. Menjëherë kanë lajmëruar eprorët e tyre. Izraeliti është izoluar dhe është marrë në pyetje nga oficerët e policisë.
Gjatë marrjes në pyetje ka qenë i pranishëm edhe shefi i Komisariatit të Rinasit, Ermal Milori. Frig ka pranuar se kishte qëndruar disa javë në Shqipëri dhe tani kthehej në Izrael.